History

Events

  • 2017رمضان ۲۰٥۰

    كان فى مره واحد عجوز عايش لوحده، وفي يوم كان ماشى بيدور على أكل، شاف ولاد صغيرين قاعدين جنب البحر، خايفين، بردانين، وجعانين، ف بدأ يسأل نفسه، هما إزاى لوحدهم كده؟ فقرر أن هو هيساعدهم، مع إنه عارف أن مافيش ف بيته أكل، وعجوز مش هيقدر يعملهم حاجه 😕 ❤ بس قرر إنه هيتوكل على ربنا وهيتكفل برعايتهم و تربيتهم كان ليه في الصيد، فكل يوم يخرج يشوف علي البحر يشوف في سمك ولا لا؟ ربنا كان بيبعتلهم رزقهم، قليل كتير ! المهم أن دايما كان بيلاقي كرم ربنا معاه . في يوم اشتد الكرب، كان تعبان، بس في نفس الوقت مش عايز يروح يشوف أولاده جعانين ! توكل علي الله و رمي الشبك، بس مكنش قادر يشده لوحده، لقي حواليه شباب جدعان، شدوا الشبك معاه، وروح أكل أولاده وهو فرحان. متنساش قوله تعالي :"منْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ" بتسأل إيه دخل الحكاية دي بمشوار ؟ قررنا نتمسك بمبدأ "لاتطعمني سمكة ولكن علمني كيف اصطاد" بدل ما نجمع فلوس كل سنة لشنط رمضان لأ احنا هنجمع مرة نعمل مشروع بربحه نعمل شنط رمضان كل سنة ..لأ ومش بس شنط رمضان غيرها كمان من المساعدات العينية زي الأسقف والبطاطين وغيرها ويبقي ليك صدقة جارية طول ما المشروع مستمر .. ومش بس كده المشروع ده كمان هيشتغل فيه عدد من المحتاجين وزيادة عن الصدقة الجارية هتكون ساهمت في حل مشكلة البطالة وهتكسب زيادة عن الصدقة الجارية دعواتهم :D وبدل ما هتدي للناس سمكة هتعلمهم يصطادوا 😉 خليك من "الجدعان" اللي شدو الشبك مع "العجوز" لعلها المنجية
  • 2017فرحتان 2.0

    فرحتان فى رمضان 😍❤️ رمضان بالنسبالنا فرحتين مرة عند الصيام و مرة عند الجزاء 😉 ‎فلو انت استعديت لرمضان يبقي انت محتاج تشحن وتجدد طاقتك كل يوم عشان تدخل رمضان وانت بطاريتك ٪‏100🙈 ‎لو انت بقي لسه مستعدتش ف انت محتاج انك تخرج من قوقعتك 😅و تبدأ تجهز نفسك من دلوقتى 😉 ‎طب دا مش كل حاجه ممكن تعملها انت ممكن تعمل حاجه ثوابها كبير اوي عند ربنا وفي نفس الوقت سهل اوي تعملها !😃 ‎افطار صائم وادخال السرور علي قلب مسلم ونحسسه بالأمان وبوجود حد يشاركه همومه يلا نفرح ونخلي الفرحة فرحتين للسنة التانية علي التوالي :D :D طيب احنا مين ؟ تابعونا وانتم تعرفوا :D
  • 2017فليغرسها 3.0

    (البلد دي خلاص ممنهاش رجا) !! بنسمع الجملة دي أو زيها كتير اليومين دول، طبعاً وأنت بتقرأ متوقع أني أقولك جمل من نوعية (لازم تصلح بنفسك) (متقولش أنا مالي) والجمل اللي "مبتجبش همها دي" بصراحة 😀 😀 ؟؟ أه أنا ناوي أقولك كده ومش ناوي أبطل لأن ببساطة الرسول صلى الله عليه وسلم وصانا أن : " إذا قامت الساعة وفي يد أحدكم فسيلة فليغرسها " مشوار السنة دي و لتالت سنة علي التوالي بتساعدك أنك تصلح وتشارك تاني فى إصلاح حياة ناس كتير لا يملكوا الحد الأدني من سبل المعيشة الطبيعية حتي وفى نفس الوقت علشان تبقي المصالح متبادلة ، أنت كمان هتتعلم كتير وهتحتك بعالم واقعي جداً وهتجرب بنفسك الى هتتعلمه فى مجالات مختلفة
  • 2017كامب الخير

    حاجات هينة بتعدي وبنزعل عليها، جايز لينا حق نزعل بس لما نعرف مشاكل بشر زينا بنستغرب من أسباب زعلنا .. زى ما المثل الشهير بيقول (اللى يشوف بلاوى الناس تهون عليه بلوته) :D في ناس حواليك ينقصهم أبسط الإحتياجات ! اللبس .. ممكن طقم ولا اتنين . تخيل بيتك من غير سقف يحميك من برد ، شمس ، مطر . مفيش بطاطين حتى تساعد فى أيام الشتاء !! قلة مصادر الدخل و انتشار البطالة . ظروف بتتجمع، حالة يأس بتتولد، صعوبة فى مواجهة ظروف الحياة . هنسعى نكون سبب فى تحسين ظروفهم .. السعى مش هيكمل غير بمشاركتنا كلنا . شاركنا الخير، "وفى ذلك فليتنافس المتنافسون" ♥
  • 2016فرحتان

    أول ما بنشوف أو نسمع الكلمتين دول بنفتكر على طول شهر رمضان بكل أيامه الحلوة و بنفتكر قول رَسُولُ اللَّهِ "صَلَّى اللَّهُ عَلَيْهِ وَسَلَّم" َ:- (( لِلصَّائِمِ فَرْحَتَانِ يَفْرَحُهُمَا؛ إِذَا أَفْطَرَ فَرِحَ, وَإِذَا لَقِيَ رَبَّهُ فَرِحَ بِصَوْمِهِ)) ..ما أجمل هاتان الفرحتان ☺ ، فرحة الفطر فى الدنيا و فرحة الجنة بإذن الله فى الاخرة ^_^وعلشان رمضان شهر الكرم و البركة فإحنا فكرنا نلقى الضوء على فرحتين مختلفتين شوية وهما : =D- فرحتك و انت بتتبرع و تساعد غيرك المحتاج . = فرحته لما يلاقى حد بيفكر فيه و بيشيل من همومه اللي كانت شغلاه بقالها فترة إزاي هجيب فطار ليا و لأولادي فى رمضان .- فرحتك بدعوة تجيلك من القلب . = و فرحته انه هيعرف ينام مرتاح البال .سبحان الله !! شفت إزاي رمضان شهر الفرحة ;)فرحة لكل واحد فينا و انت هتكون سبب من اسباب فرحة غيرك .و احنا بدورنا هنساعدك و نشاركك . احنا مين بقى ؟؟ :D :v ( Step - مشوار - رسالة هندسة حلوان - مجانين الخير - سكة الخير - سفراء الخير )
  • 2016فليغرسها 2.0

    كلنا بيبقى عندنا حلم اننا نمتلك مشروعنا الخاص و في سن الشباب بنبتدي نفكر ازاي ممكن نبدأ start up و في اي مجال و هناخد وقت قد ايه و و و ؟! احنا في مشوار هنساعدك انك تبدأ ال start up بتاعتك و حالا :D و start up مش هتخليك انت بس ناجح هتخلي كل اللي حواليك كمان ناجحين , هتأثر في المجتمع و من اول مرة , هيبقى ليك بصمة بجد , و مش بس هتكسب دنيتك و كمان اخرتك باذن الله ^^ هى start up في الخير !! بعض الأسر الفقيرة لما بتديها فلوس بتتصرف وبعد كدة بيحتاجوا فلوس تاني فاحنا فكرنا اننا نستثمر الفلوس دي في مشروع للأسرة يجيب ليهم دخل ثابت وبرده يوفر لهم فرص عمل وانت اللي هتبقى مسؤول عن المشروع ده :D هتشارك في تيم وتدرسوا حال الأسرة وتساعدوهم يختاروا مشروع مناسب لحالتهم وهتبدأوا تعملوا plan وتحسبوا التكاليف والربح وتعملوا دراسة جدوى للمشروع ده لغاية أما يتنفذ على أرض الواقع إن شاء الله ويبدأ يجيب مكسب للأسرة وهتنافسوا التيمات التانية اللي مسؤولة عن أسر تانية كمان :D وافتكروا حديث الرسول - ﷺ - (إن قامت الساعة وبيد أحدكم فسيلة، فإن استطاع أن لا يقوم حتى يغرسها فليفعل.) الفكرة ببساطة مشاركة في عمل تطوعي وهو اقامة مشاريع خيرية لبعض الاسر الفقيرة في البداية هيتم أخذ حصص تدريبية مختلفة عن التخطيط وادارة المشروعات وكيفية التعامل مع اهالي القرية ثم يقسم المشاركون الي فرق ويبدأوا في التعرف علي الاسر وتنفيذ المشاريع .
  • 2016في وسط الزحمة

    في وسط زحمة الأيام ومشاكلها وطلباتها والتزامتها والشتا اللي داخل .. وإلخ إلخ :D لازم نقف دقيقة كدة نبص ع الناس اللي حوالينا عايشين ازاي .. الشتا خلاص داخل ولسة في ناس بتنام بليل من غير ما تلاقي بطانية تدفيها ولا سقف يحميها من المطرة و البرد .. الناس دي كتيرة أوي واحنا بنتمنى نقدر نساعد أكبر عدد منهم .. نساعدهم يواجهوا ظروفهم الصعبة ونساعد نفسنا كمان في الدنيا والآخرة بجبال من الحسنات والصدقات :))دلوقتي ممكن تتبرع معانا لشراء بطاطين وبناء أسقف لبعض أهالي القرى الفقيرة بالإضافة كمان لتجهيز العرائس ومشاريع التنمية اللي هتساعد على توفير دخل ثابت للأسرة وافتكر حديث سيدنا النبي ﷺ أن "من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه "
  • 2015فليغرسها

    كلنا بيبقى عندنا حلم اننا نمتلك مشروعنا الخاص و في سن الشباب بنبتدي نفكر ازاي ممكن نبدأ start up و في اي مجال و هناخد وقت قد ايه و و و ؟! احنا في مشوار هنساعدك انك تبدأ ال start up بتاعتك و حالا :D start up مش هتخليك انت بس ناجح هتخلي كل اللي حواليك كمان نجاحين , هتأثر في المجتمع و من اول مرة , هيبقى ليك بصمة بجد , و مش بس هتكسب دنيتك و كمان اخرتك باذن الله ^^ start up في الخير !!! هتبقى مسؤل عن اسرة كاملة هتروح تشوفها و تتعامل معاها و تحط خطة كاملة ليها , الاسرة دي هتبقى هي مشروعك و انت هتبقى ال CEO مهمتك انك توفرلهم حياة كريمة و انهم مايحتاجوش حاجة بعدك هتساعد الناس و هتتعلم تفكر و تنفذ و تخطط على ارض الواقع وفى الاخر هنقيم شغلك هيبقى فيه teams تانية بتنافسك و عليك انك تثبت نفسك بقى ك CEO ناجح ^_^ انت مش بس هتتعلم ازاي تبقى CEO انت كمان هتساعدنا علشان نقدم حاجة جديدة نحيي بيها روح التطوع و عمل الخير اللي جوانا من خلال مشروع اعمار اعمار ( مشروع هدفه اعمار قرية ومساعدة اهلها وخلق التنمية المستدامة في القرية دي ) ده كان دورنا اننا نبدأ الأساس ودلوقتي دوركم تدعمونا :D قال رسول الله صلى الله عليه و سلم :(إن قامت الساعة وبيد أحدكم فسيلة، فإن استطاع أن لا يقوم حتى يغرسها فليفعل.)
  • 2015فرحتان

    ـ: "إن الأعمال تتباهى فتقول الصدقة: أنا أفضلكم" --عمر بن الخطاب و مين ميحبش يعمل أفضل الأعمال ؟ طيب ايه رأيك تجمع ما بين أفضل الأعمال وأعظم الأعمال فى نفس الوقت ازاى !!؟يقول الله تعالى "كل عمل ابن آدم له إلا الصوم فإنه لى وأنا أجزى به" دلوقتى انت جمعت بين أمرين عظيمين جدا. تخيل أنك بعد ما ربنا كرمك بثواب الصيام العظيم. - انك بتاخد أجر إفطار شخص آخر لا ينقص من أجره شئ!! - وإطعام أسرة كاملة ثوابه قد ايه !!؟ - وإدخال السرور على قلب مسلم !! أيوة يعنى اعمل ايه !؟تخيل كدة بيت فاضى مفهوش عيش حاف وأهله صايمين رغم انهم عارفين انهم ممكن ميفطروش وعند ساعة اجابة لله من دعائهم. جعلك الله سبب فى استجابة دعوته !! يعنى استخلفك الله فى إعانة عبادة ! ده كله من ايه !!!!ممكن يكونوا انت من جنيه واحد أو شوية فكة معاك متسابة فى جيب بنطلون او شنطة . لو الفكة دى مهمة عندك فيابختك عشان هتنال البر لو أنفقتهم ( لن تنالوا البر حتى تنفقوا مما تحبون ) ولو شايف انها قليلة ف الجنيه القليل ده هيديك ثواب 30 يوم كل يوم اطعام صائم و الحسنة بعشرة أمثالها شوف بقى ;)وفرله الفرحة الاولى و عيش معاه الفرحة التانية عند لقاء ربك عشان هيشهد عليك انك اطعمته فى رمضان بالجنية ^_^
  • 2015احسن تقويم 2.0

    "الف مبروك يا هانم , جبتى ولد زى القمر بس للاسف عنده اعاقه فى رجله و مش هيقدر يمشى طول حياته" * موسيقى تصويريه حزينه و الام بتعيط *بس الام هنا معملتش كده ابسلوتلى الام هنا قررت تنجح فى اختبار ربنا ليها .. قررت انها هتعلمه رغم قله الفلوس , هتستحمل اسئله الناس السخيفه و الجارحه احيانا عن سبب اعاقه ابنها و هتخلى رسالتها فى الدنيا هى مسانده ابنها و الاف غيره من ذوى الاحتياجات الخاصه .. الأم دى و الاف غيرها شجعوا احسن تقويم من بدايته و دلوقتى جه دورك ;)احسن تقويم هو اول ايفينت خيرى ينظمه طلاب فى نطاق جامعه القاهره و هدفه الوحيد هو توعيه الناس باكتر فئه مهمشه فى مجتمعنا .. اكتر فئه ملهاش تعداد و اكتر فئه ملهاش خطط تنميه فى بلدنا و هى فئه ذوى التحديات الخاصةاحسن تقويم 1.0 مكنش بس يوم الناس جت تجرى فيه عشان تشارك فى ماراثون خيرى و لا جت عشان تفرح غيرها شويه و بعدين تمشى لأ الناس دى عرفت قدرات بعض .. ومروا ب 6 ساعات كانوا السبب فى تغيير حياتهملو كنت حابب تعرف اكتر عن اخواتك من ذوى التحديات و تتحدى معاهم ظروفهم و تسمحلهم يغيروا فيك و تغير فيهم يبقى منصحكش تفوت اليوم ده ولو كنت من سعداء الحظ القليليين اللى شافوا الايفينت أنصحك أنك تعرف رسالة ربنا من انك تقرأ الكلام ده و تشوفه فى الوقت دهطيب ايه احسن تقويم 0.2؟ :D احسن تقويم 0.2 هيكون ماراثون خيرى وورش عمل بسيطه هنشتغل فيها مع اخواتنا من ذوى التحديات . هنعرف قدراتهم و يعرفوا قدراتنا و ندوه تثقيفيه عن الفئه دى فى المجتمع بتعرفنا معلومات كتير عنهم وازاى اننا نقدر نتعامل معاهم و هما يتعاملوا معانا و سبيكرز جامدين جدا هيكلمونا عن مواضيع مختلفه و مهمه مش بس لذوى التحديات لكن لينا احنا كمان كل ده و تفاصيل تانيه كتير هنعلن عنها قريب جدا ^_^
  • 2015X direction

    (وَاللَّهُ جَعَلَ لَكُمْ مِنْ بُيُوتِكُمْ سَكَنًا وَجَعَلَ لَكُمْ مِنْ جُلُودِ الْأَنْعَامِ بُيُوتًا تَسْتَخِفُّونَهَا يَوْمَ ظَعْنِكُمْ وَيَوْمَ إِقَامَتِكُمْ ۙ وَمِنْ أَصْوَافِهَا وَأَوْبَارِهَا وَأَشْعَارِهَا أَثَاثًا وَمَتَاعًا إِلَىٰ حِينٍ) جعل الله السكينة والاطمئنان فى البيوت لكن مش اى مكان ممكن يكون سكن.... عشان كدة قررنا يكون اول محور فى اعمار هو الاساس الى هنكمل علية بقيت المحاور و نلبى اساس الحياه الى كلمنا عنه ربنا و نوفر للناس السكن المناسب :D وهو ده ال x direction :Dالتعمير فى الاسلام بيجمع بين 3 محاور اول محور: عمران العلاقه بين العبد وربه ودى بتكون بالعبادات والتقرب لربنا بالطاعات تانى محور : عمران العلاقه بين البشر ودى بتكون بحسن المعامله والرقي بالاخلاق تالت محور : هو الاعمار المادى ,, وهو ده حجر الاساس و اول محور هنبدا بيه :D وده هدف مشوار السنة دى وهو النهوض بقرية فقيره من خلال مشاريع تنمويه ابداعيه بمشاركه الشباب ناويين ننزل القرية الى اخترناها ونلبى عندهم ابسط اساسيات الحياة هنوفرلهم اسقف و بطاطين وكساء عشان نقدر نكمل مسيرتنا معاهم طول السنة و نوفر لهم ابسط حق من حقوقهم عاوزين نحرك الترس الصح عشان نحقق بقيت محاور الاعمار ونحقق هدفنا الى نزلنا بية السنة دية فى مشوار قال رسول الله صلى الله عليه وسلم (بادروا بالصدقة، فإن البلاء لا يتخطاها) بايدك تقدر تعمر الكون ماتستهونش باللى تقدر تعمله .. ومتنساش انك هتتسأل عن مالك فيما انفقته قال يحيى بن معاذ رحمه الله تعالى: " ما أعرف حبة تزن جبال الدنيا إلا من الصدقة " ^_^ @[واستعمركم]
  • 2014أَحْسَن تَقْوِيم

    جربت قبل كدا تتعامل او حتى تتكلم مع متحدى إعاقة ؟ كتيير اوى بنسمع عن متحدى الإعاقة بس كتيير بس منعرفش عنهم غير انهم متحدى إعاقة منعرفش حاجة عن حياتهم عن احلامهم عن انجازتهم ال بيحققوها .^^ طيب ايه رأيك تشاركنا فى اننا نقرب اكتر منهم و نعرفهم و نشاركهم شوية من وقتهم و نعيش معاهم وقت ممتع .و كمان تشاركنا فى اننا نحاول نغير من مفهومنا و مفهوم معظم الناس عنهم انهم بس متحدى إعاقة و نشوف ان الاعاقة ال ابتلاهم بيها ربنا مأسرتش على حياتهم و على احلامهم و لكنهم اتغلبوا على إعاقتهم و ابدعوا فى حاجات تانية كتيير .:D
  • 2014افطار صائم

    ايه أهم حاجة فى البيت .. التلاجة صح ؟؟ طب و فى رمضان .. أكيد البوتاجاز كمان :Dموجودين والحمدلله ؟ هتفطرو النهاردة ايه بقى ؟؟؟ السؤال ده لو سألته عندك علي الفيس هيترد عليك باطيب انواع اﻻكل و العصاير و الخشافعمرك بقى فكرت في اللي مجاوبكش!! o.O مش قصدنا اللي مش عندك في الفريندز قصدنا علي اللي معندهمش فيس بوك اصلا اللي معندهمش لا تلاجة و لا بوتاجاز و مش عارفين هيفطرو ازاي :(
  • 2014مشوار الابن الخاص

    عايزك تسأل نفسك سؤال.....ايوة انت......انت ياللي بتقرأ . والسؤال هو :"عمرك فكرت لو كان لقدر الله عندك إعاقة ذهنية أوجسدية أو من اي نوع كنت حتكون إزاي؟والناس حواليك كانت حتتعامل معاك إزاي؟" سألت نفسك السؤال؟.......جاوبت عليه؟ طيب عايزك تحمد ربنا على نعمته عليك وتفتكر إن في ناس ربنا ابتلاها بالامراض دي وغيرها من الإعاقات لحكمة لا يعلمها إلا الله وممكن منها عشان تكون إختبار لينا عشان ربنا يشوف حنتصرف إزاي........وللأسف الكثير مننا بيفشل في الإختبار دا لأنه لم يعط لهم حقهم يمكن عن طريق انه نسي حقهم أو تناسى الحق دا للأسف. طيب بعد ما حمدت ربنا عل نعمته عليك لازم بقى نحاول نوفي بحقهم علينا عن طريق زيارتهم وإدخال البهجة والسرور على نفوسهم وخليك دايما فاكر اننا إحنا إللي محتاجين دا عَنْ أَبِي هُرَيْرَةَ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : " يَقُولُ اللَّهُ عَزَّ وَجَلَّ يَوْمَ الْقِيَامَةِ : يَا ابْنَ آدَمَ مَرِضْتُ فَلَمْ تَعُدْنِي . قَالَ : يَا رَبِّ ، كَيْفَ أَعُودُكَ وَأَنْتَ رَبُّ الْعِزَّةِ ؟ فَيَقُولُ : أَمَا عَلِمْتَ أَنَّ عَبْدِي فُلانًا مَرِضَ فَلَمْ تَعُدْهُ ، وَلَوْ عُدْتَهُ لَوَجَدْتَنِي عِنْدَهُ......"
  • 2014فرحتهم فرحتنا

    يعنى ايه يوم اليتيم !!! مش يوم نروح نفرحهم ونمشى لان اليتيم مش يوم وبيعدى لا دة يوم نحسسهم اننا العيله و الأخوات الكبار اللى مكملين على طول معاهم مش يوم وخلاص :D يعنى من الاخرمفيش حاجة اسمها يوم اليتيم دة يوم عائله احنا جايين علشان نقولهم ان احنا هنرسم البسمه على وشوشنا لما نشوف الضحكة فى عنيهم ^_^ ازاى يعنى؟؟ اصل احنا رايحين نفرح اطفال ايتام ولما نفرحهم اكيد هنفرح بفرحهم يعنى هنفرح وناخد حسنات فى احسن من كدة اكيد مفيش ".كما قال الرسول صلى الله عليه وسلم : "انا وكافل اليتيم كهاتين فى الجنه واشار باصبعيه السبابه والوسطى ^_^
  • 2014أيد علي قلب .. نفرج كرب

    مشوار عاملة لكم زيارة لمعهد الاورام القومي للاطفال المصابين بالسرطان .. نفرحهم و نخفف عنهم الكرب و ندعمهم نفسيا لأن احنا مش عارفين قسوة احساسهم.البرنامج بتاعنا في اليوم دا : - تلوين رسومات بالوان خشب. -تشكيل اشكال بعجينة السيراميك. -مسرح عرائس. -توعية دينية و اخلاقية.
  • 2013مشوار عاملة اشاعة

    قرررررررررررررررررررررب ... قرب اشاعة يا بيه ...... اشاعة يا هانم ايوة ..... 2 اشاعة هنا وصلحهمصر دلوقتى مليانة اشاعات وفتى كتييييير وللاسف الاشاعات والفتى سبب واضح ويمكن تكون هى المحرك الاساسى للاحداث والصراعات اللى بتحصل فى البلد دلوقتى غير ان القتى بقى سمة موجودة فى كتير من الشباب بيضيع وقت ومجهود كبير اوى من الناس واكبر دليل لما تيجى تسأل واحد عن اسم شارع مثلا ، يعد يتوهك و يقولك اه يا بيه خوش شمال فى يمين و ..... و ..... وهما ممكم ميكنوش عارفين الشارع دة اصلا فين ؟!! وغيره وغيره كتير اوى و ممكن نفتكر زمان فى غزوة احد الاشاعة عملت فى المسلمين ايه ؟؟ كنت سبب هزيمتهم و كان درس قاسى اوى بالنسبة للمسلميناحنا كمشوار قررنا نقف قدام الاشاعات والفتى وننزل الشارع نطور الناس ونعلمهم ان لو مش عارف حاجة مش عيب تقول مش عارف ، العيب انك تفتى او تطلع اشاعة على حد علشان مصالح او مكاسب اين كانت
  • 2013دار الهنا ٣

    (حياتك مشوار ..سيب فيها بصمه) ،.. و من هنا اخدنا عهد علي نفسنا اننا،.. (مش هانسيب حاجه فيها خير مش هانعملها) ،.. هدفنا : - نرسم علي وشوشهم بسمة امل - دعمنا ليهم ،. ان دايما في ناس بيحبوهم و بيسألوا عليهم - ننمي قدراتهم و ابداعتهم
  • 2013مشوار مسن

    أكتر حاجه كلنا بنخاف منها الوحده و المرض تخيل لو ربنا أبتلاك بالحاجتين دول ، إحساس صعب إنك تكون مريض و مش لاقي حد جانبك .... طب نعمل ايه علشان نقي نفسنا من ده ؟! نساعدهم و نخفف عنهم على قد ما نقدر .... يعني من الأخر نزور مسنيين علشان نكون فعونهم حتى يكون الله في عوننا .... مشوار هتقوم بحمله إن شاء الله لزيارة دار بلدنا للمسنين في ارض الجمعية بإمبابة يوم السبت الموافق3/1 علشان نساعدهم و نرجعلهم احساس العيله اللي محرومين منو كلنا عارفين إن شهر ده فيه عيد الأم فلو حد حابب يجبلهم حاجه بالمناسبه دي ياريت مع العلم أن الدار فيه سيدات و رجاله و ربنا يوفقنا دائما في الخير و أهم حاجه النيه و ربنا يتقبل إن شاء الله
  • 2013مشوار حلم طفل

    الايفنت بتاعنا المرة دي غير كل مرة المرة دي ان شاء الله هنروح نرسم البسمة على وشوش الاطفال ذوي الاحتياجات الخاصة الاطفال دول بيبقوا محتاجين حد ينسيهم هما و اهلهم الم الاعاقة شوية و نحسسهم انهم مش عالة على المجتمع و انهم ممكن يغيروا في المجتمع بجد و ده اللي ناويين نعمله هناك ان شاء الله وكمان لو تحب تجيب حلويات للاطفال تبقى حاجة حلوة جـــــدا
  • 2013مشوار كساء

    عايز تفرح قلب الناس على دخول العيد طب تعرف ان فيه اكتر من 100 عامل عندنا في الكلية محتاجين الفرحة على العيد .. و انت في ايدك تقدمهالهم ! عندك لبس كتير مش محتاجه و مالي الدولاب على الفاضي مشوار عاملة حملة كساء و هتجمع اللبس القديم منكوا و هاتديه للعمال :) #خد_نيه ادخال الفرحه على قلب مسلم #خد نيه من ستر مسلما ستره الله في الدنيا والاخره #خد نيه السعى في قضاء حاجه الحق قولنا انا جاى وشاركنا بنيتك

EX
Leaders

Meshwar'16

AHMED FATHY

President

Abdulrahman Sayed

General Vice President

Hussein Elsawy

General Vice President

Meshwar'15

ahmed hamdy

President

rftMygs

Abdulrahman Serry

General Vice President

Meshwar'14

Ahmed Emeash & Ahmed Ibrahim

President and Founders

Buy now
BeTheme WordPress Theme